BBC-nin binası önündə partlayış - Foto/Yeni

Britaniya polisi Londonda BBC teleradioyayım korporasiyasının əsas binası yaxınlığında şübhəli avtomobilin nəzarət altında partlayışını həyata keçirib.

Teleqraf.com xəbər verir ki, bu barədə "The Sun" nəşri məlumat yayıb.

Bildirilir ki, əməliyyat xüsusi özüyeriyən robotun köməkliyi ilə aparılıb. Ümumilikdə 3 partlayış törədilib.

Nəşrin yazdığına görə, əməliyyat anında baş qərargahın binasına giriş və çıxış məhdudlaşdırılıb. Eyni zamanda BBC əməkdaşlarına pəncərələrdən kənar durmaq tövsiyyə olunub.

Polisin diqqətini cəlb edən şübhəli avtomobil isə kiçik narıncı furqon olub.

22:35

BBC media kompaniyasının londondakı mərkəzi ofisinin önündə park edilmiş şübhəli mikroavtosa görə polis ətrafı mühasirəyə alıb.

Teleqraf.com xəbər verir ki, əraziyə cəlb edilmiş bomba zərərsizləşirənlər şübhəli avtomobildə kənardan idarə olunan qurğu aşkar ediblər.

BBC-nin binasına giriş-çıxış dayandırılıb, ətrafdakı yollarda hərəkət məhdudlaşdırılıb.