Ştefan Füleyə sərt sual

Avropa İttifaqının genişlənmə və Avropa qonşuluq siyasəti üzrə komissarı Ştefan Füleyə Bakıda keçirilən mətbuat konfransında sərt sual ünvanlanıb.

Teleqraf.com-un məlumatın görə, bu gün Bakıda Avropa İttifaqının Şərq Tərəfdaşlığı proqramında iştirak edən ölkələrin xarici işlər nazirləri birgə mətbuat konfransı keçiriblər. Mətbuat konfransında Azərbaycandan olan bir neçə jurnalist tərəfindən bir neçə dəfə Ş.Füleyə “Siz burada nə üçün yalnız Ukrayna problemindən danışırsınız? Məgər Qarabağ münaqişəsi mövcud deyil? Nəzərə alın ki, Qarabağ problemi. MDB məkanında ilk yaranmış problemlərdən biridir, 20 ildən çoxdur ki, Qarabağ problemi həll olunmur” sualı ünvanlanıb. Ş.Füle ise yuxarıda sadalanan suallara aidiyyatı üzrə cavab verməyib. Әvəzində isə o, Azərbaycanda vətəndaş cəmiyyətindən danışıb. Hətta, Ş.Füle Ermənistanın işğalçı ölkə olması barədə də hər hansı fikir bildirməyib.

Azərbaycanın xarici işlər naziri Elmar Məmmədyarov isə vətəndaş cəmiyyəti ilə bağlı Azərbaycanda normal vəziyyət olduğunu vurğulayıb: “Bu sahədə Azərbaycanda hər hansı problem mövcud deyil”.

Nərgiz