Bakıda saxta avro yayan əcnəbi tutuldu

Bakının Nərimanov rayonunda saxta əskinas yayan şəxsə cinayət işi açılıb.

Teleqraf.com xəbər verir ki, Nərimanov rayon Polis İdarəsi əməkdaşları tərəfindən iyulun 29-da Bakı şəhər sakini Z.Paşayevdən 8 ədəd 500 avroluq saxta əskinas götürülüb.

Görülmüş tədbirlərlə Z.Paşayevə həmin əskinasları vermiş bir əcnəbi vətəndaş saxlanılıb.

Faktla əlaqədar Cinayət Məcəlləsinin 204-cü (Saxta pul və ya qiymətli kağızlar hazırlama, əldə etmə və ya satma)maddəsi ilə cinayət işi başlanıb.