Pirallahıda silahlı şəxs həbs edildi

Bakının Pirallahı rayonunda əməliyyat keçirilib.

Teleqraf.com xəbər verir ki, Pirallahı rayon polis şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş A.Məhərrəmov həbs edilib.

Ondan nömrəsi silinmiş “Naqan” markalı tapança, 1 ədəd patron darağı və 5 ədəd patron aşkar edilərək götürülüb.

Faktla bağlı cinayət işi başlanıb.