Baş idarə əməliyyat keçirdi – Həbs olunanlar var

Yevlax rayonunda narkotiklərlə bağlı əməliyyat keçirilib.

Teleqraf.com xəbər verir ki, Baş Narkotiklərlə Mübarizə İdarəsinin Qərb Bölgəsində Regional Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Yevlax rayon sakini S.Məmmədovun yaşadığı Aşağı Qarxun kəndindəki evin həyətyanı sahəsindən kultivasiya yolu ilə yetişdirilmiş 8 ədəd çətənə kolu və 9 kiloqram 450 qram qurudulmuş marixuana aşkar edilib.

Bundan başqa, Baş Narkotiklərlə Mübarizə İdarəsinin Qərb Bölgəsində Regional Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Yevlax rayon sakini R.Məhərrəmov saxlanılıb.

Onun yaşadığı Aşağı Qarxun kəndindəki evin həyətyanı sahəsindən kultivasiya yolu ilə yetişdirilmiş 9 ədəd çətənə kolu və 400 qram qurudulmuş marixuana aşkar edilib.

Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini B.Ağayev Xətai rayonu ərazisində saxlanılıb.

Şəxsi axtarış zamanı ondan 63 qrama yaxın heroin, 102 qrama yaxın metamfetamin və elektron tərəzi aşkar edilib.

Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Sumqayıt şəhər sakini V.İbrahimov Yasamal rayonu ərazisində saxlanılıb.

Şəxsi axtarış zamanı ondan 3 qram heroin və 5 qram metamfetamin aşkar edilib.

Davam etdirilən tədbirlərlə onun D.Bünyadzadə küçəsində kirayədə yaşadığı mənzilə baxış zamanı oradan 18 qram heroin, 50 qram metamfetamin və elektron tərəzi götürülüb.