129 nəfərin olduğu təyyarədə çətin anlar - Mühərrik qopdu

"United Airlines"a məxsus təyyarə havaya qalxdıqdan sonra mühərrik korpusunun bir hissəsi yerə düşüb.

Teleqraf.com “The Independent”ə istinadla xəbər verir ki, ABŞ-nin Konnektikut ştatından Kolorado ştatına uçan “Airbus A320” təyyarəsində fövqəladə vəziyyət baş verib. Mühərrikinin bir hissəsini itirən təyyarə təcili şəkildə eniş etməli olub.

Qeyd edilir ki, 124 sərnişin və 5 ekipaj üzvü olan təyyarədə xəsarət alan olmayıb.