Terrorçular kilsədə 40-a yaxın adamı girov götürdü

Mahaçqalada terrorçular pravoslav kilsəsində 40-a yaxın adamı girov götürüblər.

Teleqraf.com xəbər verir ki, bu barədə "Mash" teleqram kanalı məlumat yayıb.

Bildirilir ki, Kirovski rayonunda yerləşən kilsənin qapıları bağlıdır. Şahidlərin verdiyi məlumata görə, məbədin yaxınlığında atışma səsləri gəlir.

"Baza" insanların girov götürülməsini inkar edir, məlumatları saxta adlandırır.

Mahaçqala və Dərbənddəki hücumlar fonunda Dağıstanda antiterror əməliyyatı rejimi tətbiq edilib.

Xatırladaq ki, iyunun 23-də axşam radələrində Dərbənddə 5 nəfər sinaqoq və pravoslav kilsəsini atəşə tutub. Eyni zamanda Mahaçqalada naməlum şəxslər Yermoşkina küçəsində yerləşən yol polisi postunu atəşə tutublar.