Jurnalistlərin voleybol yarışının qalibləri məlum oldu - FOTO

Azərbaycan Çimərlik Voleybolu Assosiasiyası, Milli Mətbuat Şurası, Azərbaycan İdman Jurnalistləri Assosiasiyası və "Sportsman" jurnalının təşkilatçılığı ilə Azərbaycan Çimərlik Voleybolu Assosiasiyasının Pirşağı qəsəbəsi "Həyat" İstirahət Mərkəzində yerləşən bazasında 22 iyul - Milli Mətbuat Gününə həsr olunmuş KİV nümayəndələrinin çimərlik voleybolu yarışı keçirilib.

Trend-in məlumatına görə, yarışın qalibləri - I yer – Pərvin Abıyeva və Səlim Abbasov (Xeber-24.az), II yer – Aytən Qulamova və Murad Hüseynov ( MİR TV ), III yer – Aynur Həmidova və Vüqar Bəxtiyar ( AİJA ) olub.

Qaliblərə tədbirin sponsorlarının hədiyyələrini Milli Mətbuat Şurasının sədr müavini Müşfiq Ələsgərli, AİJA prezidenti Eldar İsmayılov və "Sportsman" jurnalının baş redaktoru Rəşad Qəmərşahoğlu təqdim edib.

Turnir estrada ulduzlarının çıxışları ilə yekunlaşıb.