“Fənərbaxça” formadakı reklamdan imtina etdi

İstanbulun “Fənərbaxça” futbol klubunun yeni mövsümdə geyəcəyi formanın üzərində sponsor şirkətin adı olmayacaq.

Artıq klub bununla bağlı müvafiq qurumları rəsmən xəbərdar edib.

“Klubumuzun idarə heyəti apardığı müzakirələr nəticəsində 2014/15 mövsümündə formasında baş sponsorun (titul sponsoru) adının yazılmamasına qərar verib” – deyə “Fənərbaxça”nın yaydığı məlumatda bildirilib.

Qeyd edək ki, “Fənərbaxça” son 36 ildə ilk dəfə yeni mövsümdən titul sponsorunun adının olmadığı formalarla oyuna çıxacaq./qol.az/