Məşhur müğənninin mahnısı Oskar siyahısından çıxarıldı

Robbi Uilyamsın "Be Better:The Robbie Williams Story" (2024) filmindəki "Forbidden Road" mahnısı Oskar qısa siyahısından çıxarılıb.

Teleqraf.com xəbər verir ki, bu barədə "Variety" məlumat yayıb.

Məlumata görə, mahnının siyahıdan çıxarılmasına səbəb film üçün yazılmamış olmasıdır. Oskar mükafatı qaydalarına görə, namizəd mahnı orijinal və xüsusi olaraq film üçün yazılmış olmalıdır.

Bundan başqa Robbi Uilyamsın "Forbidden Road" mahnısı 1973-cü ildə işıq üzü görən Çarlz Foks və Norman Gimbelin “I Got a Name” mahnısının melodiyasına bənzəyir.

Nəticədə "Oskar" mükafatının musiqi şöbəsinin 400-dən çox üzvünə icraiyyə komitəsi tərəfindən bu oxşarlıqların qeyd edildiyi məktub göndərilib.