"Qarabağ" "Kopenhagen" qarşılaşmasının vaxtı bilindi

"Qarabağ" və "Kopenhagen" komandaları arasında keçiriləcək görüşün başlanma saatı məlum olub.

Teleqrad.com UEFA-nın rəsmi saytına istinadən xəbər verir ki, Çempionlar Liqasının "pley-off" matçları avqustun 15-də başlanılacaq.

Bakıdakı Tofiq Bəhramov adına Respublika Stadionunda təşkil olunacaq "Qarabağ" və "Kopenhagen" komandaları arasında qarşılaşmanın start fiti Bakı vaxtı ilə saat 20:00-da çalınacaq.

Kopenhagendəki "Parken" stadionunda keçiriləcək cavab matçı isə avqustun 23-də Bakı vaxtı ilə saat 22:45-ə təyin olunub.