"Çox gülünc qərardır" - Ronaldo

"Real"ın futbolçusu Kriştiano Ronaldo 5 oyunluq cəzalandırılmasına münasibət bildirib.

Teleqraf.com-un məlumatına görə, bununla bağlı portuqaliyalı hücumçu özünün "İnstagram" hesabında yazıb: " Bu cəzaya laqeyd qalmaq mümkün deyil. Beş matç! Bu, mənim üçün şişirdilmiş və gülünc görünür. Mənə dəstək olan komanda yoldaşlarıma və azarkeşlərə təşəkkür edirəm".

Qeyd edək ki, "Barselona”ya qarşı keçirilən superkubokun ilk oyununda qırmızı vərəqə aldıqdan sonra baş hakim Rikardo de Burqosu Benqonçeanı itələyən Ronaldo 5 oyunluq cəzalandırılıb.