"Qarabağ" liderliyə yüksəldi

Oktyabrın 26-da futbol üzrə Topaz Premyer Liqasının doqquzuncu turu çərçivəsində paytaxtdakı “Bakcell Arena”da “Neftçi” komandası “İnter” kollektivini qəbul edib.

Teleqraf.com-un məlumatına görə, baş hakim Fariz Yusifovun idarə etdiyi həmin oyunda hesab açılmayıb
Son ölkə çempionu olan Ağdamın “Qarabağ” komandası isə Tofiq Bəhramov adına respublika stadionunda “Xəzər Lənkəran” klubu ilə qarşılaşıb. Gərgin mübarizə şəraitində keçən görüş Ağdam təmsilçisinin 3:2 hesablı qələbəsi ilə başa çatıb.

Bu qələbə sayəsində "Qarabag" Topaz Premyer Liqasında liderliyə yüksəlib. Qalib komandadan qolları Cavid Tağıyev və İnnosent Emeqara (2), “Xəzər Lənkəran” komandasından isə Qalin İvanov və Rauf Əliyev vurublar.