Messinin paylaşımı rekord qırdı - Foto

Argentinalı futbolçu Lionel Messinin Qətərdə dünya çempionatının kuboku ilə çəkilmiş şəkli “Instagram”da 45 milyona yaxın bəyənmə toplayıb.

Teleqraf.com xəbər verir ki, bu da idmançılar arasında rekord sayılır.

“Dünya çempionu! Bunu o qədər arzulayırdım, o qədər istəyirdim ki, hələ də inana bilmirəm. Ailəmə, məni dəstəkləyən hər kəsə, eləcə də bizə inanan hər kəsə çox təşəkkür edirəm”, - Messi sosial şəbəkədə yazıb.

Xatırladaq ki, Argentina Qətərdə keçirilən dünya çempionatının finalında Fransanı məğlub edib. Matçın əsas vaxtı 2:2, əlavə vaxt 3:3 hesabı ilə başa çatıb. Penaltilər seriyasında argentinalılar 4:2 hesabı ilə qalib gəlib. Messi finalda iki qol vuraraq turnirin ən yaxşı oyunçusu seçilib.