Polşa klubundan ayrılan Rahilin yeni komandası bəlli oldu

Azərbaycan milli komandasının müdafiəçisi Rahil Məmmədov tezliklə yeni klubu olan “Radomyak”la müqavilə imzalayacaq.

Teleqraf.com “Echo Dnia” portalına istinadən xəbər verir ki, bu klub onu yaxın günlərdə ictimaiyyətə təqdim edəcək. Hazırda Məmmədov viza məsələlərini həll edir.
Məhz bundan sonra millimizin üzvü Polşaya yollanacaq.

Xatırladaq ki, Məmmədov son 6 ayı Polşanın “LKS Lodz” klubunda keçirib.

Qeyd edək ki, "Radomyak" 2023/2024 mövsümündə Polşa yüksək liqasını 18 komanda arasında 15-ci pillədə başa vurub.