Türkiyə millisinin AÇ-2024-də qazancı açıqlandı

Avropa Çempionatında mübarizəni 1/4 finalda dayandıran Türkiyə millisi 15.25 milyon avro qazanc əldə edib.

Teleqraf.com xəbər verir ki, bu gəlirin 9.25 milyonu AÇ-2024-ə iştiraka görədir.

Türkiyə millisi qələbəyə görə 2 milyon avro, 1/8 finala yüksəldiyinə görə, 1.5 milyon, 1/4 -ə çıxdığına görə isə 2.5 milyon avro qazanıb.

Qeyd edək ki, Türkiyə millisi AÇ-2024-ün 1/4 final mərhələsində Niderland yığmasına 2:1 hesabı ilə uduzduqdan sonra mübarizəni dayandırıb.