Kuman Türkiyə ilə oyundan danışdı: Çətin olacaq, amma...

"Rumıniyaya qarşı çox yaxşı oyun göstərdik. Fərqli rəqiblərə qarşı öz yerimizi tutmağa çalışırıq. Bunu indiki komandamızla edə bilərik. Bəzi dəyişikliklərimiz var. Türkiyə ilə çətin oyun olacaq”.

Teleqraf.com xəbər verir ki, bu sözləri Niderland millisinin baş məşqçisi Ronald Kuman Avro-2024-ün 1/4 finalında Türkiyə ilə keçiriləcək oyun haqda danışarkən deyib.

O, Türkiyə ilə oyunda topa sahib olmağın vaciblyini vurğulayıb: "Bir çox oyunçumuz və mənim bu mövzuda təcrübəmiz var. Türk komandalarına qarşı oynamışıq və bu matçlar həmişə gözəl atmosferdə keçib. Bizə lazım olan topa sahiblənməkdir, topa hakim olmaq və bununla da azarkeşlərin səsini ucaltmaqdır. Bu, Türkiyə ilə oyunda olacaq, amma təbii ki, sakit və diqqətli olmalıyıq. Hamımız bilirik ki, rəqib açıq futbola üstünlük verir və biz düzgün seçim edərək bundan faydalana bilərik”.

Qeyd edək ki, bu gü keçiriləcək Niderland - Türkiyə matçı saat 23:00-da başlayacaq.