Erməni idmançının Bakı uğuru - FOTO

Rusiya tennisçiləri Marqarita Qasparyan/Aleksandra Panova Bakıda keçirilən qadınlar arasında “WTA International” seriyasında “Baku Cup-2015” Beynəlxalq tennis turnirinin finalına vəsiqə qazanıb.

ANS-in məlumatına görə, rusiyalı çütlük yarımfinal matçında çinlilər Yan Çjaosyuan/Çju Lini 4:6 , 6:2, 10:7 hesabla məğlub edib. Qadın tennisçilərin sabah keçiriləcək final görüşündə Rusiya – Ukrayna dueli yaşanacaq. Rus tenisçilərin finalda rəqibi ukraynalılar Olqa Savçukla / Vitaliya Dyacenko olacaq. Onlar yarımfinal mərhələsində Ksenya Lykina (RUS)/Polina Monova (RUS) cütlüyündən üstün olub.

Uduş fondu 250 min dollar olan turnirdə dünyanın tanınmış tennisçiləri iştirak edir. İndiyə kimi Bakıya gələn ən yüksək reytinqli tennisçi rusiyalı Vera Zvonareva olub. O, 2011-ci ildə keçirilən turnirə dünyanın 3 nömrəsi kimi qatılmışdı. Artıq 1 ildən çoxdur ki, zədədən əziyyət çəkən rus tennisçinin sağlıq problemlərinə baxmayaraq "Baku Cup"da iştirak edəcəyi gözlənilir.

"Baku Cup" turniri bu il 5-ci və sonuncu dəfə keçiriləcək. Belə ki, növbəti ildən Bakıdakı turniri Çinin Nançanq şəhərində keçiriləcək turnir əvəz edəcək. İlk dəfə 2011-ci ildə keçirilən "Baku Cup" turnirinin qalibi Vera Zvonareva olub. 2012-ci ildə Boyana Yovanovski (Serbiya) çempion adını qazanıb. 2013 və 2014-cü illərdə isə Elina Svitolina (Ukrayna) hamıdan güclü olub.