Xanım bəstəkarın işi polislik oldu

Tanınmış bəstəkar, Əməkdar incəsənət xadimi Ruhəngiz Qasımovanın başına iş gəlib. Xanım bəstəkar pul kisəsini itirib.

Publika.az-a açıqlama verən R.Qasımova itirdiyini hələ də tapa bilmədiyini deyib: “Bazar Stor”-da alış-veriş edib çıxanda pul kisəmi itirmişəm. Kameralara özüm də baxmışam, oradan çıxıb maşına oturanda qolumun altından sürüşüb düşüb. Amma kim götürüb bilinmir.

İçində 160 manat pulum, kredit kartlarım, şəxsiyyət vəsiqəm və başqa kartlar olub. Hamısının da içində pullar. Kredit kartlarımı bağlatdırmışam. Hər şey cəhənnəmə, sənəd düzəltdirmək üçün ora-bura qaçmaqdan ölürəm”.
Bəstəkar polisə müraciət etsə də, hələ ki, itirdiklərini geri qaytaran olmayıb.