Məşhur müğənni özünü qatarın altına atdı

Çexiyalı müğənni İveta Bartoşova faciəvi şəkildə ölüb.

Teleqraf.com bildirir ki, 48 yaşlı ifaçı özünü qatarın altına atıb. Hadisənin bədbəxt hadisə, yaxud da intihar olması araşdırılır. Faciə Praqada saar 11 radələrində baş verib. Qadın çoxsaylı bədən xəsarətləri alıb. Qadın yerindəcə vəfat edib. Deyilənlərə görə, hadisə İvetanın həyat yoldaşı Yozef Rixtarın doğum günündə baş verib. Yozef şəxsən özü yayılan xəbəri jurnalistlərə təsdiqləyib.

Qeyd edək ki, cütlük 2013-cü ilin sentyabr ayında nikah masasına əyləşib. Onlar cəmi ilyarım ailə həyatı yaşayıblar, ən maraqlısı isə budur ki, ifaçının həyat yoldaşı cəmiyyət arasına çıxaraq, baş verənlərdə media nümayəndələrinin rolu olduğunu bildirib. Bir müddət öncə xarici mediada İvetanın spirtli içki aludəçisi olduğu barədə tez-tez xəbərlər dərc olunurdu.

Xatırladaq ki, İ. Bartoşova 1966-cı il aprel ayının 8-də Çelandada anadan olub (Çexiya). İfaçının İvana adlı bacısı və Lumir adlı böyük qardaşı var. İveta Çexiyanın tanınmış simalarından biri olub. Hadisə ilə əlaqədar olaraq müğənninin meneceri Oldrix Lixtenberq bunları bildirib: “Onun ətrafında olan insanlar onu ölümə sürüklədilər. Hər kəs ancaq öz yaxşılığını güdərək, İvetadan nə isə güdürdülər”.