Rəsul Əfəndiyevdən yeni fotosessiya: "Arzum idi..." - Foto

Müğənni Rəsul Əfəndiyev yeni fotosessiyasını təqdim edib.

Teleqraf. com xəbər verir ki, sənətçi fərqli obrazda fotoqraf Toğrul Qurbanovun kamerası qarşısına keçib.

Rəsul Əfəndiyev at sürmək arzusunu fotolayihə ilə həyata keçirdiyini bildirib:

“Birdən elə bilərsiniz ki, bu İndiana Consun macəralarıdır, elə deyil! At sürməyi öyrənmək çoxdankı arzum idi. Dünyanın ən vəfalı heyvanlarından biri olan atla hər zaman dostluğa can atmışam. Lakin işlər imkan vermirdi.

Karantin dövrü yaranan vaxt fürsətindən istifadə edərək arzumu reallaşdırdım. Atla dostluğumuzu da tarixə həkk etdiyi üçün yaradıcı qrupumuza təşəkkürlər”.

Qeyd edək ki, Rəsulun obrazı üzərində stilist Leyli Məmmədova çalışıb, qrimini isə Elnur Talıbov həyata keçirib. Layihənin prodüseri Azər Kərimovdur.