Murad Dadaşov Anarı yenidən "Xəzər"ə gətirdi: "Məni rəqib bilməyin"

Tanınmış stilist Anar Ağakişiyev yenidən "Xəzər" Televiziyasında fəaliyyətə başlayıb.

Bu haqda Teleqraf.com-a Anar Ağakişiyevin özü məlumat verib: "Yanvarın 27-də "Dəyişən cavab" verilişi yayımlanacaq. Keçən dəfə sezona gedəndə Murad Dadaşova dedim ki, mənə aparıcı kimi vaxt lazımdır. Həm də tez-tez xarici ölkəyə gedirəm.

Mənə bir il icazə verdilər. İşlərimi həll etdim və rahat oldum. Sonra Murad Dadaşova dedim, sağ olsun, dərhal hər şeyi həll etdi və verilişə başladıq.

Verilişin formatında dəyişiklik olacaq. Təvazökarlıqdan uzaq olmasın, həqiqətən də Azərbaycan teleməkanında belə bir verilişə çox ehtiyac var idi. Hətta Türkiyədə də izlənilirdi. Məndən orada da verilişi soruşurdular. Sadəcə işlərim çox olduğuna görə çatdıra bilmirdim.

Düşünürəm ki, professional aparıcılar məni qısqanmayacaqlar. Mən aparıcı olmaq fikrində deyiləm. Məni özlərinə rəqib görməsinlər".