Azər Süleymanlı qız atası oldu - Foto

Aparıcı Azər Süleymanlı qız atası olduğunu açıqlayıb.

Teleqraf.com xəbər verir ki, aparıcı bu haqda sosial media hesabında məlumat verib: "Tanış olun, qızım Layla Süleymanlı. 18 dekabr 2023-cü il, saat 16:08. "Qızınız oldu!"… Sənin gəlişinin müjdəsi dolu dünyanın ən gözəl cümlələrindən birinin ardından çox keçmədi ki, daha bir cümlə quruldu: "Körpəniz çox ağırdır. Hər şeyə hazır olun". O an həm də anladım ki, insan yalnız torpağa deyil, bəzən bir kəlməyə, bir cümləyə də dəfn oluna bilirmiş.

Sən bu sınaqlarla dolu həyata gəldiyin ilk andan etibarən imtahan verməyə, mücadilə etməyə başladın, qızım. Dilərəm ilk savaşı qazandığın kimi, həyatın bütün sınaqlarından belə məğrur çıxa biləsən. 8 illik həsrətdən sonra gələn payım".