Murad Arif Saraya hazırlaşır: "Həyəcanlıyam..."

Azərbaycanda hit mahnıların bəstəkarı və ifaçısı Murad Arif Heydər Əliyev Sarayında konsert proqramı ilə çıxış edəcək.

Teleqraf.com xəbər verir ki, gecədə Murad Arif hit mahnıları, sevilən duetlərini ifa edərək yeni bir şouya imza atacaq.

Yeni konserti haqqında detalları sirr saxlayan müğənni qısa açıqlama verib: "Bir ilə yaxındır ki, ilk konsertimin eyforiyasındayam. Səhnəyə hakim olmağı bacaran, onu sevən, səhnə üçün yaradılmış biri olduğumu anlayaraq ölkənin ən əsas səhnəsində - Sarayda ikinci konsertimə start verirəm. Həyəcanlıyam...

Bu dəfə daha inamlı, daha sərbəst və böyük enerji ilə gəlirəm. Konsertin adını hər kəsin dilində olan xitabla əlaqələndirdim. Mətbuatın, medianın dilindən də bəllidir ki, "HITMAKER" mənəm. Bunu bir daha sübut edəcəm!"