Uitni Hyustonun qızı bərpa mərkəzinə keçirildi

ABŞ-ın tanınmış müğənnisi və aktrisası Uitni Hyustonun 22 yaşlı qızı Bobbi Kristina Braun Atlantadakı xəstəxanadan yaxınlıqdakı bərpa mərkəzinə keçirilib.

Trend-in TASS-a istinadən verdiyi məlumata görə, mərhum müğənninin yeganə qızı olan B.Braun artıq 2 aydır koma vəziyyətindədir.

Lakin bu o demək deyil ki, qızın vəziyyəti yaxşılaşır. Sadəcə olaraq bərpa mərkəzi koma vəziyyətində olan xəstələrin uzunmüddətli qayğısına qalmaq üçün əlverişli yerdir.

Qeyd edək ki, B.Braun yanvarın 31-də evində huşsuz vəziyyətdə tapılmışdı. Onun bu vəziyyətə düşməsinin səbəbləri hələ də müəyyənləşdirilməyib.

Onun anası U.Hyuston isə üç il əvvəl narkotik qəbulundan ölüb.