13 Fevral 2018 08:28
2 899
12 Punto 14 Punto 16 Punto 18 Punto

“Əpl” şirkəti 2018-ci ilin payızında üç yeni “Ayfon” smartfonu təqdim edəcək. Modellərin əsas fərqi çərçivəsiz “Super Retina” ekranı olacaq. Hazırda isə internetdə 2018-ci ildə buraxılacaq “Ayfon” modellərinin qiyməti dərc edilib.

Teleqraf.com “ICTnyus”a istinadən xəbər verir ki, ABŞ istehsalçısı istifadəçilərin tələbatını öyrənmək üçün Ayfon-Xsmartfon modelini buraxıb. Yeni qurğu əlavə funksiyalar və xüsusi komplektləşdirmə baxımından istifadəçilərin rəğbətini qazanıb. Alıcıları razı salmaq üçün sentyabrda 3 yeni qabaqcıl modelin təqdimatı planlaşdırılır. İlkin məlumatlara görə, modellər çərçivəsiz ekran, üz skaneri ilə təchiz ediləcək və simsiz enerjidoldurma funksiyasını dəstəkləyəcək.

Məşhur analitik Fil Cons satış bazarının “Əpl” şirkəti tərəfindən yeni məhsulların buraxılması ilə əlaqədar qiymət siyasəti barədə fikirlərini bölüşüb. , “IPS” ekranlı 6,1 düym diaqonallı “Ayfon” modelinin qiyməti 800-950 dollar, “OLED” displeyli 5,8 düymlük “Ayfon”un 950-1100 dollar, “OLED” ekranlı 6,5 düym diaqonallı “Ayfon” smartfonunun isə 1100-1250 dollar təşkil edəcək.


Müəllif: Teleqraf.com