Qəribə: İti polislər qoruyur – Onu öldürənə 70 min dollar vəd olunub

Kolumbiyanın ən böyük narkotik şəbəkəsi olan Urabenos mafiyası narkotiki axtarışı aparan iti öldürənə 70 min dollar vəd edib.

Teleqraf.com xəbər verir ki, Kolumbiyada illərdir rekord miqdarda narkotik vasitə aşkar edən itin təhlükəsizliyini təmin etmək məqsədilə tədbirlər həyata keçirilir.

Kəşfiyyat mənbələri müəyyən edib ki, Urabenos şəbəkəsi son dəfə 10 tona yaxın kokainin saxlanılmasında xidməti olan Sombra adlı iti öldürənə 70 min dollar vəd edib.

Məhz bu səbəbdən də Sombra mafiyanın güclü olduğu regiondan alınaraq Boqota hava limanına gətirilib.

Narkotik polisi isə mafiyanın bu qərarından sonra itin həyatını şansa buraxmayıb. Sambray Boqata hava limanında xidmətə çıxarkən onu baxıcısı ilə yanaşı bir neçə polis də müşayiət edir.

Qeyd edək ki, narkotik aşkar etməkdə xüsusi üstünlükləri olan Sombra adlı it bu yaxınlarda Turboda 5,3 ton kokain tutub. Eləcə də bir avtomobildə gizlədilən 4 tona yaxın koakinin yerini müəyyən edib.