"Audi" 6,7 minə yaxın avtomobili geri çağırır

"Volkswagen Group" şirkəti Rusiyada 6,7 minə yaxın "Audi" markalı avtomobili geri çağırıb.

Teleqraf.com-un məlumatına görə, qərar bir neçə qüsurun qeydə alınması ilə əlaqədardır.

Belə ki, 6679 avtomobil qanad altlığının fiksatorunda qeydə alınan qüsurlarla əlaqədar, daha 3 avtomobil ön panellərin dəyişdirilməsi məqsədilə geri çağırılıb.

Qeyd edək ki, geri çağırılma 2017-2019-cu illər arasında Rusiyada satılmış A5 modellərinə şamil olunur.