Oğlaq - Kitkat, Balıqlar - Skittles: bürcünüzə uyğun konfet seçin!

Teleqraf.com bürclərin sevdiyi konfetləri təqdim edir:

Qoç - Red Hots

Astroloq Desiree Roby qoç kimi cəsarətli ikinci bürcün olmadığını deyir. Onlar həmişə diqqət çəkməyə çalışır. Beləliklə, onların həyat zövqünü ən yaxşı ifadə edən konfet ədviyyatlı Red Hots ola bilər.

Buğa - Godiva Chocolates

Sirr deyil ki, Buğalar dəbdəbəni sevirlər. Bəziləri deyə bilər ki, onların zövqlü şeylərə olan məhəbbəti buğaları materialist edir. Amma buğalar kəmiyyətə deyil, keyfiyyətə üstünlük verirlər. Buna görə də astroloq Alice Smith düşünür ki, Godiva-nın zəngin və dəbli şokoladı onlar üçün mükəmməl seçimdir.

Əkizlər - Jelly Boom

Bürclər arasında Əkizlər qədər qərarsız bürc yoxdur. Onlar həyatda müxtəliflikdən və fikirlərini dəyişmək azadlığından zövq alırlar. Bu davranış bəzilərinə bir az ikiüzlü görünə bilər, lakin onlar özlərini "situasiyaya uyğunlaşan" hesab etməyə üstünlük verirlər. Astroloq Robinin qeyd etdiyi kimi, Əkizlərin əksəriyyəti bəzən turş, bəzən də şirin sevirlər, ona görə də Jelly Boom onların sevimli konfetidir.

Xərçəng - çiyələkli konfetlər

Xərçənglər adət-ənənələri və ailələri, sevdikləri ilə xoş xatirələri xatırladan hər şeyi sevirlər. Buna görə də, bu bürcün nümayəndələri klassik çiyələk ətirli konfetlərdən məmnun qalacaqlar.

Şir - Ferrero Rocher

Qızıl folqa və parlaq qablaşdırmada Ferrero Rocher, şübhəsiz ki, şir bürcü üçün ideal variantdır. Bu bürcün nümayəndələri özünə inanır, cəsarətlidir və diqqət mərkəzində olmağı sevir. Şirləri hamı sevir, buna görə də onların sevimli konfeti də hamının ürəyincə olmalıdır.

Qız - M&Ms

Mükəmməlliyi ilə tanınan Qız bürcləri hər şeyin onların istədiyi kimi olmasını xoşlayırlar. Praktik və sağlamlığa diqqət yetirən bu bürc gündəlik həyat rutinindən çıxmağı sevmir və şirniyyata da həddən artıq can atmırlar. Amma həqiqətən canları şirin bir şey istədikdə M&Ms onlar üçün mükəmməldir.

Tərəzi - Twix

Tərəzi zərif dad sahibidir. Onlar üçün bəyəndikləri şeyin qiymət deyil, keyfiyyəti önəmlidir. Amma qərar qəbul etməkdə çətinlik çəkmələri onlara mane ola bilir. Xoşbəxtlikdən Tərəzi üçün Twix-in həm sağ çubuğu, həm də sol çubuğu keyfiyyətli dad göstəricisidir.

Əqrəb - Saqqızlı chupa chups

Əqrəblərin dünya baxışı sirli, dərin və cazibədardır. Bir çoxunu onların sərt xarici görünüşü qorxudur, amma yaxınları bilir ki, əqrəblərin soyuq siması arxasında həssas və mehriban tərəfləri gizlənib. Çölü sərt və içi yumşaq olan saqqızlı chupa chups sanki əqrəblər üçün yaradılıb.

Oxatan - Pop Rocks

Oxatan əylənməyi, yeni yerləri kəşf etməyi və yeni insanlarla tanış olmağı sevir. Bu macəra ruhuna görə Pop Rocks onlar üçündür. Sakitlikdən uzaq olan oxatanlar ağızda "partlayan" bu konfeti mütləq bəyənəcəklər.

Oğlaq - Kit Kat

Oğlaqların liderliyə meyilliyin gözardı etmək çətindir. Onlar hadisələrin proqnozlaşdırıla bilən və ardıcıl olmasını sevirlər. Astroloq Rozi qeyd edir ki, oğlaqların hamıdan yaxşı olmaq həvəsi həyatda uğur qazanmaqlarına kömək edəcək. Amma heç kimin oğlaq qədər Kit Kat ilə fasiləyə ehtiyacı yoxdur.

Dolça - Milky Way

Dolça bürcləri sanki başqa planetdən düşüblər. Onlar başqaları ilə ünsiyyət qurmaqda çətinlik çəkir, buna görə də onları mehribanlıqla “Bürcün yadplanetliləri” adlandırırlar. Milky Way-in üstünün zəngin şokoladı və içinin yumşaqlığı arasındakı balans dolçaların çöldən qəribə, daxildən isə şirin şəxsiyyətləri ilə səsləşir.

Balıqlar - Skittles

Balıqlar çox emosional və digər insanlarla bağ qura bilən bürcdülər. Buna görə də daim dostlarının yoluna işıq tutan bələdçi rolunu oynayırlar. Amma bunu edə bilmək üçün onlar tez-tez enerji yığa bilməlidirlər. Astroloq Smit qeyd edib ki, onlar problemlərinin bir göyqurşağı fonunda yox olmasını arzulayırlar. Buna görə də, rəngarəng Skittles onlara həyata parlaq dünyagörüşlərini xatırladır və onlara təkan verir.