Zaxarovadan Qarabağ açıqlaması: “NATO-nun bu ölkəsi bölgədə...”

Fransa Afrika siyasətinin uğursuzluğundan sonra Qarabağda “sülhməramlı obrazı” yaratmağa çalışır.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

Onun fikrincə, Parisin Cənubi Qafqazda fəallığının artması Afrika siyasətindəki uğursuzluğun kompensasiyasıdır.

Zaxarovanın sözlərinə görə, Fransanın Qafqazdakı cəhdlərinə “sülhməramlı səylər” də daxildir.

“Bunun sülhməramlılıqla heç bir əlaqəsi yoxdur, məhz bizim ölkə bütün sülhməramlı rolu Qarabağ məsələsinin nizamlanması kontekstində vasitəçi kimi öz üzərinə götürdü və yerinə yetirdi. İndi ən çətin mərhələ başa çatdığından ümid edirik ki, Fransa NATO üzvü kimi bir daha ocağı qızışdırmağa başlamayacaq”, - Zaxarova bildirib.