Saat 17.00-a olan seçici fəallığı açıqlandı

Mərkəzi Seçki Komissiyası Milli Məclisə seçkilərdə ölkə üzrə saat 17:00-dək olan seçici fəallığına dair məlumatı açıqlayıb.

Teleqraf.com xəbər verir ki, MSK Katibliyinin “Seçkilər” İnformasiya Mərkəzinin rəhbəri Fərid Orucov hesabat saatınadək respublika üzrə seçicilərin 2 milyon 389 min 754 nəfərinin səs verdiyini bildirib. Seçici fəallığı 44,84 faiz təşkil edib.

Qeyd edək ki, Milli Məclisə seçkilərin səsvermə mərhələsi bu gün saat 08:00-da başlayıb. Səsvermə saat 19:00-da başa çatacaq. MSK Katibliyinin “Seçkilər” İnformasiya Mərkəzi tərəfindən səsvermədə seçici fəallığına dair sonuncu məlumat saat 19:00-da açıqlanacaq. Səsvermənin gedişi və nəticələri barədə alınan məlumatlar hüquqi əhəmiyyət daşımayan ilkin məlumatlar hesab edilir.