“E-Təbib” mobil tətbiqi koronavirusun yayılmasını azaltmağa kömək edir

“E-Təbib” mobil tətbiqinə qoşularaq COVİD-19 infeksiyasının yayılmasının qarşısının alınmasına öz töhvənizi verə bilərsiniz!”

Teleqraf.com-un xəbərinə görə, bu barədə İcbari Tibbi Sığorta üzrə Dövlət Agentliyinin (TƏBİB) Facebook səhifəsində məlumat yayılıb.

Məlumatda bildirilir ki, “E-Təbib” - koronavirusun yayılmasını azaltmağa kömək edən mobil tətbiqdir:

“E-Təbib” bluetooth texnologiyası əsasında işləyir, yaxınlıqdakı digər tətbiq istifadəçiləri ilə əlaqə qurur.

Bu tətbiqdən nə qədər çox insan istifadə etsə, bütün yoluxanları daha dəqiq və daha sürətli şəkildə müəyyən etmək mümkün ola bilər!

Tətbiqin köməyi ilə bir toxunuşla Koronavorus Əleyhinə Qaynar xətlə əlaqə saxlamaq, statistik məlumatlar almaq və müvafiq yardım, həmçinin müxtəlif bildirişlər və xəbərlər də almaq mümkündür”.

Tətbiqə necə qoşulma barədə də əlavə məlumat verilib:

“Tətbiqi asanlıqla telefonunuza yükləyə bilərsiniz:

İstifadə etdiyiniz sistemdən asılı olaraq, tətbiqi “Play Market” və ya “AppStore” vasitəsilə “E-Tabib” və ya “E-Təbib” yazaraq smartfonunuza endirin;

Tətbiqi işə salın və mobil telefon nömrənizi daxil edin;

SMS vasitəsilə göndəriləcək təsdiq kodunu müvafiq xanalara daxil edin;

Bluetooth qurğusunu işə salın.

“E-Təbib” tətbiqi mobil telefon nömrənizdən başqa heç bir şəxsi məlumatınızı toplamır”.