"Ermənilər 17 məktəbi gülləbaran edib"

“Cəbhəyanı rayon olan Tovuzda 86 məktəb var”.

Teleqraf.com-un məlumatına görə, bunu jurnalistlərə açıqlamasında Tovuz rayon Təhsil şöbəsinin rəhbəri Validə Hüseynova bildirib.

Onun sözlərinə görə, ümumilikdə bu məktəbdə 880 nəfər məzun ali məktəblərə sənəd verib: “Bunlardan 489 nəfəri ali məktəblərə qəbul olunub. Son 5 ildə rayonun 356 nəfər şagirdi ali məktəblərə və Naxçıvanski adına Hərbi Liseyə qəbul olublar. Biz bununla kifayətlənmirik və qarşımızda çoxlu hədəflər var”.

Cəbhəyanı ərazilərdəki orta məktəblərin vəziyyətinə toxunan V.Hüseynova bildirib ki, ümumilikdə 17 məktəb düşmənin açdığı atəş nəticəsində zərər çəkib: “Rayondakı məktəblərin 40 faizdən çoxu düşmənlə üzbəüz olan kəndlərdədir. Çətin şəraitdə dərslərin keçirilməsinə baxmayaraq, yüksək əhval- ruhiyyə ilə tədris prosesi uğurla davam etdirilir.

İLHAMƏ