Milli Məclisin növbədənkənar iclası başlayıb.
Teleqraf.com xəbər verir ki, iclasa spiker Sahibə Qafarova sədrlik edir.
Deputatların gündəliyinə 15 qanun layihəsinin müzakirəsi təqdim edilib.
Spiker Qafarova Qırğızıstanda keçirilən TÜRKPA-nın 11-ci plenar iclası haqqında məlumat verib, tədbir zamanı türkdilli ölkələrin spikerləri ilə görüşünə dair fikirlərini bölüşüb.
Daha sonra spikerin təklifi ilə cari məsələlərin müzakirəsi olmadan birbaşa qanun layihələrinin müzakirəsinə başlanılıb.