Kredit təşkilatından külli miqdarda pul oğurlayanlar yaxalandı

“Viza Kredit” Bank Olmayan Kredit Təşkilatı (BOKT) MMC-nin “Lənkəran” filialından külli miqdarda pul oğurlayan şəxslər həbs edilib.

Teleqraf.com xəbər verir ki, polisin keçirdiyi əməliyyat nəticəsində filialın işçisi Ruslan Əzimov və onun tanışı Əvəz Əkbərov olması məlum olub. Hər iki şəxs yaxalanıb.

Qeyd edək ki, hadisə yanvarın 24-də “Viza Kredit” Bank Olmayan Kredit Təşkilatı (BOKT) MMC-nin ofisində baş verib. İçərisində 7000 ABŞ dolları və 3500 manat olan seyf oğurlanıb.

Hacı Zeynalov