Qadın öz qapısında qardaşı oğlunun qanını tökdü – Təfərrüat

Tovuz rayonunda bıçaqlanma hadisəsi baş verib.

Teleqraf.com xəbər verir ki, 1990-cı il təvəllüdlü Sumqayıt şəhər sakini Cavid Qasımov Tovuza rayonuna bibisigilə qonaq gəlib. Cavid Qasımovun bibisi ilə mübahisəsi düşüb. Mübahisə zamanı o, bibisini döyüb.

Bu zaman Cavid Qasımov bibisi tərəfindən bıçaqlanıb. Yaralı xəstəxanaya yerləşdirilib, ona tibbi yardım göstərilib.

Məlum olub ki, Cavid Qasımov bibisinin evindən oğurluq etmək istəyib. O, maska taxaraq gecə saatlarında evdə axtarış aparmaq istəyib. Bu zaman qadın yuxudan oyanıb. O, evdə gəzən adam görüb və bıçağa əl atıb.

Cavid bibisini döyüb, qadın isə ona bıçaqla xəsarət yetirib.

Bildirilir ki, Cavid Qasımov bibisinin qızını da istəyib. Amma qadın qızı Cavidə verməkdən imtina edib. Ehtimal olunur ki, o, bibisinin evini qisas məqsədilə qarət etmək istəyib.

Faktla bağlı cinayət işi başlanıb.