4 gün öncə "prava" alan “Ağdamlı Faiq” tutuldu - Video

Sosial şəbəkələrdə avtoxuliqanlıq edərək canlı yayıma çıxan “Ağdamlı Faiq” tutulub.

Hadisə ilə bağlı Ağdam rayon Yol Polisi Bölməsinin əməkdaşları özünü “Ağdamlı Faiq” kimi təqdim edən Faiq Hüseynovu saxlayıblar.

Polis Şöbəsində onun barəsində araşdırma aparılarkən o da məlum olub ki, Faiq Hüseynov 4 gün əvvəl sürücülük vəsiqəsi alaraq bu təhlükəli əməlləri törətməyə başlayıb.

Qeyd edək ki, sürücü və atası Ağdamda kondisioner ustasıdır. O, bu hərəkətlərini çılğınlıq adlandırıb və “cavanlıq” etdiyini deyib.

Onun barəsində toplanmış materiallar rayon məhkəməsinə göndərilib. Məhkəmənin qərarı ilə o, bir illik sürücülük hüququndan məhrum edilməklə 30 gün də inzibati həbs edilib.