Oğul həbsdə olan atasına narkotik vermək istədi - Əməliyyat

Bakı İstintaq təcridxanasında insident olub.

Penitensiar xidmətin ictimayyətlə əlaqələr mərkəzindən Teleqraf.com-a verilən məlumata görə, Bakı İstintaq təcridxanasında saxlanılan Kərimov Elçin Əhmədağa oğlu ilə görüşə gəlmiş oğlu Bakı şəhər sakini Kərimov Adnan Elçin oğlunun üzərinə və əşyalarına baxış keçirilən zaman sovqatda olan “Slavyanka” yazılı şəffaf plastmas qabın içərisindəki mayeyə qarışdırılmış 0,495 qram psixotrop maddə - metamfetamin aşkar aşkar edilib.

Qeyd edək ki, Elçin Kərimov Cinayət Məcəlləsinin 206.4-cü (qaçaqmalçılıq), 234.4.1-ci (qabaqcadan əlbir olan bir qrup şəxs tərəfindən və ya mütəşəkkil dəstə tərəfindən narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma), 234.4.2-ci (təkrar narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma), 234.4.3-cü (külli miqdarda narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma), 240.3.1-ci (mütəşəkkil dəstə tərəfindən güclü təsir edən və ya zəhərli maddələrin satış məqsədilə qanunsuz dövriyyəsi) və 240.3.2-ci (güclü təsir edən maddələrə münasibətdə külli miqdarda törədildikdə) maddələrinə əsasən həbs edilib.