Cibgirlik edəndən narkotik götürüldü

Bakının Nəsimi rayonunda sərnişin avtobusunda cinayət hadisəsi baş verib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, hadisə 86 saylı xətt avtobusunda qeydə alınıb. Həmin avtobusda sərnişin Dünyaxanım Lətifova hücuma məruz qalıb. Naməlum şəxs onun 40 manatını və şəxsiyyət vəsiqəsi olan əl çantasını oğurlayıb.

Dünyaxanım Lətifova hadisə ilə bağlı Nəsimi rayon Polis İdarəsinin 19-cu polis bölməsinə şikayət edib. Onun şikayəti əsasında keçirilən əməliyyat nəticəsində cinayəti törədən Bakı şəhər sakini, 1980-cı il təvəllüdlü Elxan Racov tutulub. Axtarış zamanı ondan 0,291 qram heroin aşkar olunub.

Hacı Zeynalov