Tovuz sakini bıçaqlandı

Tovuz rayonunda bıçaqlanma hadisəsi baş verib.

Bu barədə Teleqraf.com-a Tovuz rayon Polis Şöbəsindən məlumat verilib.

Məlumata görə, rayon sakini İbrahim Məmmədov naməlum şəraitdə bıçaqlanıb. O, ağır xəsarətlə rayon Mərkəzi Xəstəxanasına gətirilib. Vaxtında tibbi yardım göstərildiyi üçün həyatını xilas etmək mümkün olub.

Polis əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Orxan Hüseynov tutulub.

Faktla bağlı cinayət işi başlanıb.

Hacı Zeynalov