Ağcabədidə partlayış: yaralılar Bakıya gətirildi - VİDEO

Xəbər verdiyimiz kimi, Ağcabədi rayonu ərazisində qaz sızması nəticəsində patlayış baş verib.

Teleqraf.com-un xəbərinə görə, hadisə zamanı bir ailənin 3 üzvü müxtəlif dərəcəli bədən xəsarətləri alıb. Xəsarət alanlardan biri azyaşlı uşaqdır.

Hadisə ötən gün axşam saatlarında Ağcabədi rayonu Salmanbəyli kənd sakini Məhəmməd Bayramova məxsus evdə baş verib. Nəticədə Bayramova Nübar, Bayramova Səhər və azyaşlı Bayramov İsa müxtəlif dərəcəli yanıq xəsarətləri alıblar. Yaralılar dərhal rayon mərkəzi xəstəxanasına aparılıblar. Burda onlara ilkin tibbi yardım göstərildikdən sonra Bakı şəhərinə yola salınıblar. Xəsarət alanlar arasında olan azyaşı İsanın yanıqları daha çox olub.

Ailənin yaxınlarının bildirdiyinə görə, partlayış evdəki sobadan deyil, əsas xəttlərdən yer altına sızmalardan baş verib. Hadisə şahidləri və ailənin yaxınları sobanın dağılmamasının da bunu sübut etdiyini deyirlər.

Daşqın Abdullayev, Ağcabədi