Bakıda yaşayış evində partlayış: ev sahibi yaralandı

Bakının Səbail rayonunda yaşayış evində partlayış olub.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayon ərazisində Tamaşa Məmmədovanın yaşadığı evdə baş verib. Təbii qazın sızmasından yanğın ani partlayışla nəticələnib.

Nəticədə evin tavanı dağılıb, yanıq xəsarəti almış Tamaşa Məmmədova xəstəxanaya yerləşdirilib.

Hacı Zeynalov