Oğurluq edən qadına hökm oxundu

Bu gün Bakı Ağır Cinayətlər Məhkəməsində oğurluqda təqsirləndirilən Nərgiz Ağaməmmədovanın cinayət işi üzrə məhkəmə başa çatıb.

Teleqraf.com xəbər verir ki, Bakı şəhər Baş Polis İdarəsinin Cinayət-Axtarış İdarəsi əməkdaşlarının həyata keçirdikləri əməliyyat-axtarış tədbirləri nəticəsində iyunun 2-də Nərimanov rayonu ərazisində Esmira Əliyevanın çantasından 500 manat və 3 ədəd bankomat kartı oğurlamış şəhər sakini, əvvəllər məhkum olunmuş Nərgiz Ağaməmmədova tutulub.

Hakim İradə Həsənzadənin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Nərgiz Ağaməmmədova 7 il 6 ay müddətinə azadlıqdan məhrum edilib.

Hacı Zeynalov