Şirvanda yaşayış evinə basqın edildi

Şirvan şəhərində yaşayış evinə basqın edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə dekabrın 9-da saat 02 radələrində qeydə alınıb. Şirvan şəhərində Maya Mirzəyevanın yaşadığı evə qapını sındırmaq yolu ilə 3 maskalı şəxs girib. Onlar Maya Mirzəyevanı və onun qızı Sevinci bıçaqla hədələyərək evdən qızıl əşyalar götürüblər. Maskalılar Mirzəyevanın əmlakını ələ keçirdikdən sonra hadisə yerini tərk ediblər.

Şirvan şəhər Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törədənlərdən şəhər sakini İsrail Vəliyev tutulub. Cinayətin iştirakçısı olan digər şəxslərin də tutlması üçün tədbirləridavam etdirilir.

Hacı Zeynalov