Məşhur şadlıq evində cinayət

Bakının Binəqədi rayonunda şadlıq evində cinayət hadisəsi baş verib.

Bu barədə Teleqraf.com-a Binəqədi rayon Polis İdarəsindən məlumat verilib.

Məlumata görə, Binəqədi qəsəbəsi ərazisində yerləşən “White-Palase” şadlıq evində orada işləyən Göyçay rayon sakini Cəsarət İsmayılovun mobil telefonu oğurlanıb.

Binəqədi rayon Polis İdarəsinin 4-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində oğurluğu törətmiş Abşeron rayon sakini Uğur Hüseynov saxlanılıb.

Qeyd edək ki, bundan əvvəldə “White-Palase” şadlıq evində cinayət hadisəsi baş vermişdi. 4-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Kürdəmir rayon sakini İmran Qafarov tutulub. İmran Qafarov White Palace” şadlıq sarayında ofisiant işləyib. O, işlədiyi şadlıq sarayında keçirilən toy mərasimi zamanı oğurluq etməsi üzə çıxıb. Belə ki, İmran Qafarov “White Palace” şadlıq sarayında Teymur Səfərovun toy mərasimində pul salınması üçün nəzərdə tutulmuş qutudan 2900 manat və 300 ABŞ dollarını oğurlayıb.

Hacı Zeynalov