Yol qəzaları can almağa davam edir

Xaçmaz rayonunda ölümlə nəticələnən yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Armudpadar kəndində qeydə alınıb. Quba rayon sakini Əfqan Həsənov idarə etdiyi “JAC-1020” markalı avtomobillə yolu keçən həmyerlisi Səhrab Mustafayevi vurub. Xəstəxanaya yerləşdirilmiş piyada orada ölüb.

Piyadanın xəsarəti ilə nəticələnən yol nəqliyyat hadisəsi Yasamal rayonunda da baş verib. Rayonunun Xiyabani küçəsində müəyyən edilməmiş avtomobillə Bakı şəhər sakini Elmar İbrahimli vurulub. Piyada xəstəxanaya yerləşdirilib.

Oxşar hadisə Xətai rayonunun G.Mehmandarov küçəsində də qeydə alınıb. Müəyyən edilməmiş avtomobillə Bakı şəhər sakini Əsgər Rzayevin idarə etdiyi “Chevrolet” markalı avtomobillər toqquşub. Ə.Rzayevə xəstəxanada ilkin tibbi yardım göstərilib.

Daha bir hadisə Biləsuvar şəhərində baş verib. Müəyyən edilməmiş avtomobillə Zəhmətabad kənd sakini Əli Abbaslı vurulub. Piyadaya xəstəxanada ilkin tibbi yardım göstərilib.

Hacı Zeynalov