Mingəçevirdə dəhşətli qəza: 3 ölü, 10 yaralı - ŞOK GÖRÜNTÜLƏR

Mingəçevirdə bu gün səhər saatlarında dəhşətli avtomobil qəzası baş verib.

Teleqraf.com-un xəbərinə görə, qəza sərnişin avtobusu, VAZ 2109 və QAZ 24 markalı avtomobillərin toqquşması nəticəsində yaranıb. Dəhşətli qəza zamanı 3 nəfər ölüb, 10 nəfər isə yaralanıb.

Qəza hadisəsi Mingəçevir şəhərinin Heydər Əliyev prospektində qeydə alınıb. Mingəçevir şəhər 8 saylı xətt marşurutu ilə hərəkət edən, 1983-cü il təvəllüdlü Elgün Hüseynovun idarə etdiyi 02-BN-084 dövlət nömrə nişanlı “Otoyol” markalı sərnişin avtobusu ilə 66-BE-770 dövlət nömrə nişanlı “VAZ 2109” və 1964-cü il təvəllüdlü İmaməli Hacıyevin idarə etdiyi 10-DZ-245 dövlət nömrə nişanlı “QAZ 2410” markalı minik maşınları toqquşub. Avtomobillərin toqquşmasından sonra avtobus yoldan çıxaraq aşıb. Qəza zamanı 3 nəfər - 1955-cü il təvəllüdlü Qəmbərov Telman Savalan oğlu, 1993-cü il təvəllüdlü Abbasov Turan Ehtiram oğlu və 1944-cü il təvəllüdlü Həsənov Asif Əli oğlu aldıqları ağır xəsarətlərdən dünyasını dəyişiblər. Avtomobillərdə olan 10 nəfər müxtəlif dərəcəli bədən xəsarətləri alıblar. Yarlılar Mingəçevir Mərkəzi şəhər Xəstəxanasına yerləşdirilib. Qəza nəticəsində xəsarət alanlar aşağıdakılardır:

1961-ci il təvəllüdlü Bəsti Süleymanova

1972-ci il təvəllüdlü Emilya Mirzəyeva

1965-ci il təvəllüdlü Əhliman Zeynalov

1962-ci il təvəllüdlü Məhburə Muradova

1998-ci il təvəllüdlü Elton Tahirov

1999-cu il təvəllüdlü Elvin Əliyev

2000-ci il təvəllüdlü Rüstəm Mustafayev

1957-ci il təvəllüdlü Tahir Səlimov

1997-ci il təvəllüdlü Süleyman Allahverdiyev

1965-ci il təvəllüdlü Rövşən Qasımov

Xəstəxanadan bildirilib ki, yaralılardan bir neçə nəfəri yüngül xəsarət aldığı üçün ilkin tibbi yardım göstərilərək evə buraxılıb. Üç nəfərin isə vəziyyəti ağır olaraq qalır.

Hazırda faktla bağlı Mingəçevir şəhər Polis Şöbəsi tərəfindən araşdırma aparılır.

Daşqın Abdullayev