Goranboyda meşədə yanğın baş verdi

Goranboy rayonunda meşədə naməlum səbəbdən yanğın hadisəsi baş verib.

Ekologiya və Təbii Sərvətlər Nazirliyindən Teleqraf.com-a verilən məlumata görə, bu gün saat 14 radələrində Goranboy Meşə Mühafizəsi və Bərpası Müəssisəsinin Yeni Ağcakənd meşəbəyliyinin 8a saylı dolayında yanğın baş verib.

Yanğın Ekologiya və Təbii Sərvətlər və Fövqəladə Hallar Nazirliklərinin yerli qurumlarının əməkdaşlarının səyləri nəticəsində yanğın qısa müddət ərzində söndürülüb. Yanğın 50 sot ərazini əhatə edib və meşə fonduna ciddi ziyan dəyməyib, quru ot və kol örtüyü yanıb.

Yanğının səbəbləri və dəymiş ziyanın müəyyən olunması istiqamətində iş aparılır.