Gürcüstan vətəndaşını soyan yaxalandı

Bakının Suraxanı rayonunda qadına qarşı soyğunçuluq edən yaxalanıb.

Teleqraf.com xəbər verir ki, Suraxanı Rayon Polis İdarəsinin 30-cu polis bölməsi əməkdaşlarının həyata keçirdikləri əməliyyat-axtarış tədbirləri nəticəsində avqustun 5-də Gürcüstan vətəndaşı Gülmirə Hüseynovanın mobil telefonunu soyğunçuluq yolu ilə almış Bakı şəhər sakini, əvvəllər məhkum olunmuş Tərlan Həsənov tutulub.

Ətrafında aparılmış əməliyyat tədbirləri ilə onun Süsən Rüstəmovaya, Xanpaşa İsmayılova, Rəşad Əhmədova və Şahid Qarakişiyevə məxsus evlərdən pul, sənəd, təmir-tikinti alətləri və məişət əşyaları, habelə Həmidəxanım Ağayevanın bankomatdakı hesabından 579 manat oğurlaması da müəyyən edilib.

Hacı Zeynalov