Bakıda 26 yaşlı oğlanı döyən qadın polisdə ifadə verdi

Bakının Sabunçu rayonunda 26 yaşlı oğlan münasibətdə olduğu qadın tərəfindən döyülməsinin yeni təfərrüatı məlum olub.

Teleqraf.com xəbər verir ki, hadisə rayonun Ramana qəsəbəsi, V.Vəliyev küçəsi, 9 ünvanında baş verib.

1989-cu il təvəllüdlü Nağı Hüseynzadə həmin ünvanda yerləşən məscidin qarşısında tanışı “Janna” adlı şəxs tərəfindən təhqir olunub. Nağı Hüseynzadə “Janna”dan təhqirlərə son qoymasını istəyib. Bu zaman daha da hiddətlənən qız onu döyüb.

Nağı Hüseynzadə “Janna” tərəfindən döyülməsi barədə Sabunçu Rayon Polis İdarəsinin 12-ci polis bölməsinə şikayət edib. “Janna” ilə Nağı Hüseynzadənin sevgili olduğu deyilir.

12-ci polis bölməsində aparılan araşdırma zamanı məlum olub ki, Nağı Hüseynzadəni döyən Janna Mirzə qızı Bağırovadır. Janna Bağırova 12-ci polis bölməsinə dəvət edilib və izahatı alınıb. O, da ərizə ilə polisə müraciət edərək Nağı Hüseynzadə tərəfindən döyüldüyünü bildirib.

Hadisə ilə bağlı polisdə araşdırma aaprılır.

Hacı Zeynalov